Heid is de zugfoat gschmackig,
Bahnsteig, eini außi, zackig,
vor mia a Woikn aus Vanille,
a Frau mid Converse und Brille.

Wiast wuschig glei amoi,
kaun passieren goi?
Zwoa sitz weida sitzt a lauch,
Wiaschtl, Hüsen, so is Brauch.

Jetzt kwöd mi zwischn drin,
und raubt ma scho glei jedn Sinn.
Da Brodwiaschtl Vanille Duft,
haß is und es steht de Luft.

Kaunst jo fost nix dagegn mochn,
langsam krotzts a weng im Rochn.
Oba, „herns bitsche zum stinga auf“,
namad hoid an schlechtn Lauf.

So gehts da manches moi im Lebn,
do kinads so wos schenes gebn.
Do hüft nua drüber steh,
irgendwaun wird der Duft vageh

oder de zugfoat is vorbei,
des mog woascheinlicha sei.
De Moral, mehr Duschn, weniga Stinga,
und ka Brodwuascht in zug mitbringa.