Brauch ma das,
I glaub ned,
ned so klass?
wauns kana vasteht,

De soin an friedn gebn,
dafia warads do,
I wü nua mei Lebn lebn,
jo oba des duast jo scho,

Ma und da Euro east,
barrierefrei zoin,
ois teira woan heast,
jo des kau kam gfoin,

Jo siagst, is ois a dreck,
oba ohne was nu schlechta,
moanst das I soiche schme ned check,
stop, faktencheck, a echta,

Muas des jetz sei?
Grod jetzt, is fünf noch z’spot,
gfreit mi ned, I sogs glei,
jo und nocha sogst ma so schod,

Stabile Währung, Wirtschaftszone,
Österreich kau des a alanig,
Österreich alane is Zukunft ohne,
ois recht, solaung i mei schnitzl griag,

De EU nimmt da des ned wega,
oba deppad sans mit Gurkenkrümmung,
wos denkst kinat do dahinter stecka,
Pflanzerei und schlechte Stimmung.

Des woa da Start fo Standardisierung,
des hast, gerecht, fia olle gleich,
a notwendiga Grundstock, Regulierung,
spüregln höfn, des is jo ned neich,

Des hüft daun oba an jedn in da EU,
wei de Amis, de Russn, China oder Indien,
wos moanst wie laung geht des nu,
ohne Europa, hasts fia Österreich verschwindien.

A Tourismuslaund,
imma lächeln, bitte gern,
des warad oba ollahand,
de trottln fia an jedn aus da fern,

daun host dei Diktat, oba ned aus Brüssl,
sondern von am stoarkn Mann
mit am Klescha in da Schissl,
der ungehindert olles mochn kaun.

Ka EU is ka Option,
wia miasn froh sei, das mas hobn,
hintefrogn, derfmas schon,
oba jetzt hasts auzahn und plogn,

Stoak sei, und mitanaunda aupockn,
sonst hasts unterbuttad wern,
ned vom rechtn raund verlockn,
danoch gibts ka raunzn und ka rean,

Jetzt gscheid doa,
dafia das uns nu laung guad geht,
wia brauchn kane fünf guadn joa,
wir brauchn a EU, de gemeinsam steht.

Wei de garantiarad fü lenga a guade zeid,
es is a gemeinsames Friedensprojekt,
gegen den gaunz Hoss und Neid,
des Chancen und Hoffnung weckt.

Aufwochn, wei wir montiern uns oh,
schmeißn unsa Zukunft in braunen Dreck,
de Aasgeia de kreisn scho,
längst offen do, ausm Versteck,

Wia miasn Demokratie ernst nehma,
segn, dass unser Verauntwortung is,
diktiern lossn, des warad jo nu schena,
Österreich is doch unsa schönes, freies Paradies.